Зварот білетаў
Калі вы жадаеце вярнуць білет, набыты ў касе Палаца Рэспублікі, неабходна звярнуцца непасрэдна ў касу. Для вяртання грашовых сродкаў трэба прад’явіць білеты на фірмовым бланку.
Для атрымання падтрымкі Вы можаце звярнуцца па тэлефоне (+37517) 229-90-39, электронная пошта: kassa.bilet@r.palace.by
У адпаведнасці з пунктам 6 артыкула 217 Кодэкса аб культуры, арганізатар культурна-відовішчнага мерапрыемства абавязаны выплаціць грамадзяніну грашовую кампенсацыю кошту ўваходнага білета не пазней за сем каляндарных дзён з дня падачы заявы аб выплаце грашовай кампенсацыі.
Згодна з п.5 арт. 217 Кодэкса Рэспублікі Беларусь аб культуры ўваходныя білеты могуць быць вернуты:
- Па ініцыятыве гледача ці арганізацыі за 1 каляндарны дзень да дня правядзення мерапрыемства. Пры гэтым грамадзяніну або арганізацыі, якія вярнулі ўваходны білет, кампенсуецца не менш як 75 працэнтаў кошту ўваходнага білета.
Напрыклад, калі днём правядзення культурна-відовішчнага мерапрыемства з’яўляецца 10-е чысло месяца, то апошнім днём вяртання будзе 08-е чысло гэтага месяца да 18:00 (часу работы арганізацыі, якая ажыццяўляе такое вяртанне). 09-га чысла білеты да вяртання не прымаюцца.
- У выпадку адмены, змянення загадзя абвешчаных часу (тэрміноў) або месца правядзення мерапрыемства, замены яго іншым вяртанне білетаў ажыццяўляецца ў дзень адмененага (запланаванага) мерапрыемства, а таксама ў іншыя тэрміны, устаноўленыя арганізатарам мерапрыемства. Пры гэтым грамадзяніну або арганізацыі, якія вярнулі ўваходны білет, кампенсуецца поўны кошт уваходнага білета за выключэннем сэрвіснага збору, паколькі паслуга па продажы білетаў аказана.
Уваходныя білеты вяртаюцца па месцы знаходжання арганізатара мерапрыемства, а ў выпадку адмены, змянення загадзя абвешчаных часу (тэрміноў) або месца правядзення мерапрыемства, замены яго іншым – таксама па месцы адмененага (запланаванага) мерапрыемства і ў іншых месцах, устаноўленых арганізатарам мерапрыемства.
Для вяртання грашовых сродкаў трэба прад’явіць білеты на фірмовым бланку білетнага аператара або электронныя білеты ў раздрукаваным выглядзе.
У выпадку змянення загадзя аб’яўленых часу (тэрміноў) або месца правядзення мерапрыемства, замены яго іншым грамадзянін мае права наведаць мерапрыемства на падставе уваходнага білета.